ثلاثيات ليبية بضحك

ثلاثيات ليبيه (منقول)
ثلاثة يتمناهم الليبييون: السكن في طرابلس … والعلاج في تونس … والوصول لسن التقاعد.
ثلاثة ما تحلمش بيهم : السفر للسياحة … وتصيف مع عايلتك … وكأس العالم في ليبيا.
ثلاثة صعب نتخلى عنها : الماء … والهواء … والبازين .
ثلاثة لازم نتخلى عليهم : التفنيص … والتلقيح … والبني خارج المخطط .

ثلاثة تسبب الإحباط : الواسطة … و الديون … والمنتخب الليبي .

ثلاثة يرفعوا الضغط : الملح … وزحمة المرور … والعيل كان عشش .

ثلاثة تسبب الغرور : الفيلا … والهامر … وبدلة الحرس البلدي .

ثلاثة مايحبوهمش الليبيين: التعليم … واليهود… والشبشب المقلوب.

ثلاثة ما يرقدوش الليل : المديون … والخانب … وواحد نايضة عليه السوسة .

ثلاثة شبه اختفوا من ليبيا : الدلاع الطويل … واحترام الشيابين … والفراشية .

ثلاثة ما تحسش بطعمتهم الا في ليبيا : شاهي العاله… وامبكبة على الحطب … والبورديم .

ثلاثة تدعو لهم بالهداية : البلعوط … والمحسدي … واللي يشجع في نادي الوحدة.
ثلاثة ما تستغربهمش في ليبيا : واحد قاص السريع على رجليه … وواحد يسوق في الاتجاه المعاكسي … ومتعين وعمره عامين.

ثلاثة تتمنى ما تتصبحش فيهم : سواق افيكو مستعجل … وطابور طويل في الشيل … ومديرة المدرسة وفيدها عصا.

ثلاثة ما تعرفش أمت تخشلهم : دار العجزة … والمستشفى … ومكب القوى العاملة.
ثلاثة ما ليهمش معنى إلا في ليبيا : العسلوز … والزميطة … والعصبان .
ثلاثة ربي يفكك منهم : مجاري مفتوحة … وكلب مطلوق … ورشادةطايشة .
ثلاثة إيدرو فيهم الليبيين بس : الهروب من الأحمر… والذفل على رأس بمبلي الغاز … وتنفيض فرشة الماكلة من الروشن.

شكرا
بس الموضوع مدايراته من قبل

سامحني مانتبهتش وانا اسفة جدا جدا جدا جدا ياتايلر
شني بنديرحظي مش حلو بكل اليوم واسفة مرة تانية