الرئيسية
أحدث الصور
من طرف ثلاثيات ليبية
تلاثة يتمناهم الليبين :السكن في طرالس والعلاج في تونس والوصول لسن التقاعد
تلاثة ماتحلمش بيهم :السفر للسياحة وتصيف مع عيلتك وكأس العالم في ليبيا
تلاثة صعب نتخلي عليهم:الماء والهواء والبازين
ثلاثة تسبب الاحباط :الواسطة والديون والمنتخب الليبي
تلاثة لازم نتخلي عنهم: التفنيص والتلقيح والبني خارج المخطط
تلاثة يرفعو الضغط :الملح وزحمة المرور والعيل كان عشش
تلاثة تسبب الغرور : الفيلا والهامر وبدلة الحرس البلدي
تلاثة مايحبوهمش الليبيين : التعليم والمصريين والشبشب المقلوب
تلاثة مايرقدوش الليل : المديون والخانب وواحد نايضة عليه السوسة
تلاثة شبه اختفوا من ليبيا : الدلاع الطويل واحترام الشيابين والفراشية
تلاثة ماتحسش بطعمهم الا في ليبيا :شاهي العالة ومبكبكة علي الحطب والبورديم
تلاثة تدعولهم بالهداية : البلعوط والمحسدي واللي يشجع في نادي الوحدة
تلاثة ماتستغربهمش في ليبيا :واحد قاص السريع علي رجليه وواحد ماشي في الطريق المعاكس ومتعين وعمره عامين
تلاثة تتمني ماتتصبحش فيهم : سواق افيكو مستعجل وطابور طويل في الشيل ومديرة مدرسة وفيدها عصا
تلاثة ما تعرفش امتا تخشلهم :السجن والمستشفي ومكب القوي العاملة
تلاثة مالهمش معني الا في ليبيا :العسلوز والزميطة والعصبان
تلاثة ربي يفكك منهم :مجاري مفتوحة وكلب مطلوق ورشادة طايشة
تلاثة ايديروا فيهم الليبيين بس : الهروب من الاحمر والتفال علي بمبلة الغاز وتنفيض فرشة الماكلة من الروشن
تلاثة ياكلو في لحوم البشر : الحيوانات المفترسة والبزناسه الكبار وجماعة القرمة كان شبعوا
يارب يعجبكم وللامانه الموضوع عجبني فنقلته ليكم نستنا ردودكم الحلوة مع اطيب التحيات sweet love
» سجل حضورك بصورة على ذوقك
» أطلب ترحيب حار
» زعما نحصلوا ترحيب انا عضو جديد
» تطوير المنتدى
» تكبير --- الله اكبر
» سؤال الذكااااء؟؟
» وينكم خيركم شي في؟؟
» الفرق بين طريقة اكل البنت وطريقة اكل الولد هع هع هع